«Ливерпуль» ҳимоячиси Ибраима Конате Чемпионлар лигаси чорак финалида «ПСЖ»га қарши кечган омадсиз ўйинга фалсафий назар билан қарамоқда. Унинг фикрича, «Ливерпуль» футболчилари ўзларига ва ўз кучларига кўпроқ ишонишлари керак.
«Бугун биз кўплаб вазиятлар яратдик ва менимча, майдондаги яхшироқ жамоа эдик. Рақиб эса иккита имкониятга эга бўлди ва икки бор гол урди. Назаримда, бизга омад етишмади. Биз ўзимизга кўпроқ ишонишимиз керак. Агар ҳакам пенальтини бекор қилмаганида ва биз ундан гол урганимизда, ўйин бутунлай бошқача тус олган бўларди», — дея Конатенинг сўзларидан иқтибос келтиради BBC Sport.
