Angliyalik sobiq himoyachi Jo Koul Madridning «Atletiko» va «Barselona» jamoalari o‘rtasidagi uchrashuv yakunlari haqida fikr bildirdi. Ushbu bahsda «matraschilar» mag‘lubiyatga uchraganlariga qaramay, keyingi bosqichga chiqishni uddalashdi. Koulning hisoblashicha, bunda tajriba asosiy rol o‘ynagan.
«Barselona» o‘yinni shunday boshladiki, odam ixtiyorsiz ravishda «ular yakunda nechta gol urishar ekan?» deb o‘ylab qoldi. Biroq keyin o‘yinda tanaffus yuzaga keldi va shundan so‘ng «Atletiko» butunlay o‘zgardi. Ular o‘yinga qaytishdi. O‘sha tanaffus uchrashuvning hal qiluvchi pallasi bo‘ldi. Bu aynan «Atletiko»ning tajribali futbolchilari uchun kerak bo‘lgan lahza edi», — deya Koulning so‘zlaridan iqtibos keltiradi BBC Sport.
