«Barselona» yarim himoyachisi Dani Olmo jamoaning Chempionlar ligasidan chiqib ketgani haqida o‘z fikrlari bilan o‘rtoqlashdi. Avvalroq kataloniyaliklar safarda «Atletiko»ni 2:1 hisobida mag‘lub etishgan edi, biroq bu yarim finalga chiqish uchun yetarli bo‘lmadi.
«Biz o‘sishda davom etishimiz kerak. O‘tgan yili ham xuddi shunday tarzda musobaqani tark etgan edik. Shunga qaramay, biz o‘z yo‘limizda davom etamiz. Bu — g‘alabalarga yo‘naltirilgan loyiha. Bizda yaxshi jamoa bor va biz allaqachon sovrinlar yutishni uddalaganmiz», — deya Olmoning so‘zlaridan iqtibos keltiradi Barça Universal.
