Mashhur niderlandiyalik sobiq futbolchi Rafael van der Vaart Arne Slotning "Liverpul" transferlari haqidagi fikrlariga munosabat bildirdi. Chempionlar Ligasidan chiqib ketganlaridan so‘ng, "qizillar" ustozi yozda jamoaga yana kuchayish kerak bo‘lishi mumkinligini aytgan edi.

"Bu nima degani o‘zi? Mutlaqo absurd bayonot. "Liverpul" 500 million yevro sarfladi va yakunda nimaga erishdi? Angliya Kubogidan chiqib ketdi, Liga Kubogidan chiqib ketdi, Premyer-ligadagi muvaffaqiyatsizlik, Chempionlar Ligasidagi halokat.

Bu mavsum — klub uchun allaqachon ulkan muvaffaqiyatsizlik. Shundan keyin Slot shunchaki yangi o‘yinchilarni sotib olib, hammasini boshidan boshlash kerak demoqdami? Qo‘rqamanki, u "Liverpul"ni oldinga boshlaydigan odam emas. Ehtimol, o‘yinchilarni emas, uning o‘zini almashtirish kerakdir", — deya van der Vaartning so‘zlarini keltiradi Topskills Sports UK.

Eslatib o‘tamiz, seshanba kuni Angliya grandi o‘z uyida "PSJ"ga Chempionlar Ligasi chorak final javob bahsida 0:2 hisobida imkoniyatni boy berdi.