Fransiyalik sobiq hujumchi Tyerri Anri "Barselona" Chempionlar Ligasidan chiqib ketganidan so‘ng Lamin Yamal haqida o‘z fikrlarini bildirdi. 18 yoshli vinger Madridning "Atletiko" jamoasiga qarshi chorak final javob bahsida gol urdi, biroq bu jamoani ikki o‘yin natijasiga ko‘ra mag‘lubiyatdan qutqarib qola olmadi.

"U o‘z vaqtida yosh Krishtianu Ronaldu qilgan ishlarni takrorlamoqda: nafaqat intervyularda jasorat bilan gapirmoqda, balki buni maydonda ham isbotlayapti. Yamal "Barselona"ni o‘z ortidan boshlashini aytgandi va o‘yin boshidayoq gol urdi.

U o‘z yoshiga nisbatan ancha yetilgan va ishonch bilan harakat qilmoqda, berkinmayapti, doim to‘pni so‘rayapti va eng mas’uliyatli pallalarda nima qilish kerakligini bilyapti. Bu — istisnoviy futbolchining belgisi. Messi aql bovar qilmaydigan iste’dodga ega edi, ammo Yamaldagi bu jur’at uni ajratib turadi — bu borada u tengsiz", — dedi Anri CBS Sports studiyasida.

Javob uchrashuvi "Barselona"ning 2:1 hisobidagi g‘alabasi bilan yakunlandi. Birinchi o‘yinda esa "Atletiko" 2:0 hisobida zafar quchgan edi.