Seshanba kuni Madridning "Atletiko" jamo o‘z maydonida "Barselona"ga imkoniyatni boy berdi (1:2), ammo Chempionlar Ligasi yarim finaliga yo‘l oldi. Diyego Simeone jamoasi o‘tgan hafta mehmonda qozonilgan 2:0 hisobidagi g‘alaba evaziga ikki o‘yin natijasiga ko‘ra ustun keldi.
"Bu ajoyib o‘yin bo‘ldi. "Atletiko" xarakter ko‘rsata oldi va eng kerakli pallada gol urdi. Jamoa "Barselona"ga to‘liq hukmronlik qilishga yo‘l qo‘ymadi va raqibni doimiy bosimda ushlab turdi. O‘yin yakunida "Atletiko"da kuch ko‘proq ekanligi ko‘rinib qoldi va bu ko‘p narsani hal qildi", — dedi "matraschilar" sobiq o‘yinchisi Xavyer Moreno.
Bugun oqshomda madridliklar yarim finaldagi raqibi kim bo‘lishini bilib olishadi — ular "Arsenal" va "Sporting" qarama-qarshiligi g‘olibi bilan to‘qnash kelishadi.
