Chempionlar ligasi chorak finalidan o‘rin olgan «Bavariya» va «Real» o‘rtasidagi javob uchrashuvining birinchi bo‘limidan so‘ng madridliklar 3:2 hisobida oldinda bormoqda.
«Qaymoqranglilar» tarkibida Arda Gyuler dubl qayd etgan bo‘lsa, yana bir gol Kilian Mbappe hisobiga yozildi. Myunxenliklardan esa Aleksandar Pavlovich va Xarri Keyn o‘z ismini tabloga yozdirib qo‘yishga muvaffaq bo‘ldi.
Uchrashuv Germaniyaning Myunxen shahridagi «Alyans Arena» stadionida bo‘lib o‘tmoqda.
Eslatib o‘tamiz, 7 aprel kuni Madridda o‘tkazilgan dastlabki bahsda «Bavariya» 2:1 hisobida g‘alaba qozongan edi.
