Pro-liga 3-turidan o‘rin olgan «Metallurg» – TerDU (3:1) uchrashuvidan keyin bekobodliklar bosh murabbiyi Ilhom Mo‘minjonov OAV vakillari savollariga javob qaytardi.
"Muhim g‘alabaga erishdik. PRO-Ligada oson o‘yinlar bo‘lmaydi. Jamoamizni chiroyli o‘yin va g‘alaba bilan tabriklayman. To‘rt kundan so‘ng navbatdagi uchrashuvimiz bor va bunga astoydil tayyorgarlik ko‘ramiz. Bugun «Sho‘rtan» o‘z maydonida durang o‘ynabdi, bu futbol. Ko‘rganingizdek, oson uchrashuvlar bo‘lmayapti. Bizning maqsadimiz bitta - Superligaga chiqish. Xayolimiz ham doim shunda. Bu mas’uliyatni futbolchilar juda yaxshi his qilib turishibdi.
Ibrohim No‘monov va Mo‘minjon Meliyevda jarohat bor. Mavsumoldi tayyorgarlik vaqtida No‘monov jiddiy jarohat olgandi. To‘liq tuzalib, safga qaytishi uchun yana biroz vaqt talab etiladi. Meliyevni holati yaxshiroq, xudo xohlasa 2-3 haftada to‘liq tayyor bo‘lib qoladi.
Maksvel ba’zi sabablarga ko‘ra safimizga kechroq kelib qo‘shildi va hali ham adaptasiya jarayoni davom etmoqda. Shu sababli shoshilmayapmiz. Nazarimda bugun maydonda o‘zini yaxshi tomondan ko‘rsata oldi".













