«Portu» himoyachisi Tyago Silva 2024 yilda «Chelsi»ni tark etganini yodga oldi.
«Chelsi» faoliyatimdagi chindan ham muhim bosqichga aylandi. Bu hayotimdagi juda jiddiy qarorlar edi. Oilamni Londonda qoldirib, Braziliyaga qaytish yoqimli bo‘lmadi. Men ularni juda qattiq sog‘indim va ayriliq osonroq kechadi deb o‘ylagandim», — deya Silvaning so‘zlarini keltirmoqda The Sun nashri.
Tyago Silva 2020 yilda «PSJ»dan erkin agent sifatida «Chelsi»ga o‘tgan edi. U London klubi sharafini 2024 yilgacha himoya qildi. Umumiy hisobda himoyachi «ko‘klar» safida 155 ta o‘yin o‘tkazib, to‘qqizta gol urdi va beshta golli uzatmani amalga oshirdi. «Chelsi» tarkibida braziliyalik futbolchi Chempionlar ligasi, UEFA Superkubogi va klublar o‘rtasidagi jahon chempionatida g‘olib chiqdi.













