Shu yozda Fransiya terma jamoasini tark etadigan mashhur mutaxassis Didye Desham Madridning «Real» klubida ish boshlashi mumkin. Bu haqda The Athletic jurnalistlari xabar bermoqda.
Manbaning ma’lumotlariga ko‘ra, murabbiy JCH-2026 yakunlanganidan keyin «qirollik klubi» boshqaruvini qo‘lga olishi mumkin. Mundial 11 iyundan 19 iyulga qadar Shimoliy Amerikada bo‘lib o‘tadi.
Eslatib o‘tamiz, ayni damda «qaymoqranglilar» bosh murabbiyi lavozimini ispaniyalik mutaxassis Alvaro Arbeloa egallab turibdi. Ushbu murabbiy qo‘l ostida Madrid jamoasi UYEFA Chempionlar ligasining chorak finalida ishtirokini to‘xtatdi, La Ligada esa hozircha ikkinchi o‘rinni egallab turibdi.













