«Real Madrid» rahbariyati Eduardu Kamavinganing Chempionlar ligasi doirasida «Bavariya»ga qarshi o‘yindagi (3:4) xulq-atvoridan so‘ng uni sotib yuborishga qaror qildi. Bu haqda El Mundo nashri xabar bermoqda.

Kamavinga 86-daqiqada fol ishlatgach, to‘pni olib maydondan tashqariga yurgani uchun ikkinchi sariq kartochkani olib, jamoasini qiyin ahvolda qoldirgan edi.

Manbaning ta’kidlashicha, klub anchadan beri 23 yoshli futbolchining o‘yinidagi xatolarni kuzatib kelayotgan edi. «Qirollik klubi» Kamavingani sotish orqali boshqa transferlarni moliyalashtirish uchun yaxshigina mablag‘ ishlab olmoqchi.