Madridning «Real» klubi Yurgen Kloppni bosh murabbiy lavozimiga taklif qilishdan manfaatdor, biroq muzokaralarni boshlashga shoshilmayapti.

2024 yilda murabbiylik faoliyatidan uzoqlashgan germaniyalik mutaxassis Alvaro Arbeloaning o‘rnini egallashi mumkin bo‘lgan nomzodlardan biri sifatida ko‘rilmoqda. Insayder Fabrisio Romanoning ma’lumotlariga ko‘ra, «qirollik klubi» Kloppga taklif bilan chiqishga tayyor, ammo undan birinchi qadamni kutishmoqda. «Liverpul»ning sobiq ustozi ishga qaytish istagi borligi haqida to‘g‘ridan-to‘g‘ri xabar berishi kerak — shu vaqtgacha «qaymoqranglilar» muzokaralarni boshlamaydilar.

2025 yil boshidan buyon Yurgen Klopp «Red Bull» kompaniyasining futbol bo‘limi rahbari lavozimida ishlab kelmoqda.