«Chelsi» yarim himoyachi Aleks Skottni o‘z safiga qo‘shib olishi mumkin.
London klubi «Bornmut»ning 22 yoshli futbolchisi uchun asosiy da’vogarlardan biri bo‘lib turibdi, deb xabar bermoqda The Independent. «Olchalar» xavbekning sotuvidan 50 million funtdan ko‘proq mablag‘ ishlab olmoqchi.
Shuningdek, «ko‘klar» Enso Fernandesni sotib yuborish ehtimoli ham saqlanib qolmoqda. Eslatib o‘tamiz, jamoa bosh murabbiyi Liam Rosenyor argentinalik futbolchini Madridda yashash istagi haqidagi gaplari uchun ikkita o‘yinga chetlatgan edi. Fernandesga Madridning «Real» klubi qiziqish bildirmoqda.
APLning joriy mavsumida Skott 32 ta o‘yin o‘tkazib, 3 ta gol urdi va 1 ta golli uzatmani amalga oshirdi.
