Milanning «Inter» klubi bosh murabbiyi Kristian Kivu Chempionlar ligasi yo‘llanmasi uchun kurash haqidagi gaplariga izoh berdi.

A Seriyaning o‘tgan turida «neradzurri» «Komo»ni mag‘lub etdi (4:3). Uchrashuv yakunlangach, ruminiyalik mutaxassis jamoaning maqsadi Chempionlar ligasi hududiga kirish ekanligini ta’kidladi. Vaholanki, milanliklar Skudettoni (chempionlikni) deyarli naqd qilib qo‘yganlari barchaga ayon edi. Kivu bu bayonoti bilan tez-tez shu ruhda fikr bildiradigan Massimiliano Allegri va Antonio Kontega «piching» qilgan edi.

«Ayrim odamlar hazilni tushunishmaydi. Biz ko‘p narsa haddan tashqari jiddiy, ammo shu bilan birga yuzaki qabul qilinadigan dunyoda yashayapmiz. Mening gaplarim hazil edi, garchi unda haqiqat uchquni bo‘lsa-da. Raqobatchilarimiz Chempionlar ligasi yo‘llanmasi uchun kurash haqida gapirishdi, men ham tabassum bilan shuni aytdim. Ehtimol, bu kimgadir yoqmagandir, lekin futbol — shunchaki o‘yin, shuning uchun unga biroz yumor bilan yondashish kerak. Kimdir yutadi, kimdir yutqazadi. Hech kim xafa bo‘lishi kerak emas», — dedi Kivu matbuot anjumanida.

Bugun «Inter» o‘z maydonida «Kalyari»ga qarshi bahs olib boradi.