Madridning «Real» klubi hujumchi Vinisius Junior bilan shartnomani uzaytirishni rejalashtirmoqda.
Braziliyalik futbolchining shartnomasi yakunlanishiga bir yildan sal ko‘proq vaqt qolgan bo‘lsa-da, so‘nggi paytlarda uning ketishi haqidagi mish-mishlar ancha tindi. Taniqli insayder Fabrisio Romanoning ta’kidlashicha, «qirollik klubi» prezidenti Florentino Peres yulduz hujumchining jamoada qolishini juda istamoqda. Futbolchi allaqachon taklif olgan, ayni damda muzokaralar davom etmoqda. Iyul oyida Vinisius 26 yoshga to‘ladi.
Joriy mavsumda hujumchi «Real» safida barcha turnirlarda 47 ta o‘yinda maydonga tushib, o‘z hisobiga 14 ta gol va 12 ta golli uzatmani yozdirib qo‘ydi. Transfermarkt portali futbolchining transfer qiymatini 150 million yevroga baholamoqda.
