«Real» jamoada tub islohotlar o‘tkazish niyatida emas.
Klub rahbariyati so‘nggi ikki yil ichida murabbiylar (Karlo Anchelotti, Xabi Alonso va Alvaro Arbeloa) jamoaning bor salohiyatini to‘liq yuzaga chiqara olmaganlariga ishonchi komil. Shuningdek, jarohatlarning salbiy ta’siri ham tan olinmoqda.
El Mundo nashrining klubdagi manbalari ba’zi pozisiyalarni kuchaytirish kerakligiga qo‘shilishsa-da, «jahon darajasidagi» asosiy o‘zakni o‘zgartirish rejalashtirilmagan. Tibo Kurtua, Eder Militao, Orelyen Tchuameni, Federiko Valverde, Arda Gyuler, Jud Bellingem, Vinisius Junior va Kilian Mbappening sotilishi mutlaqo istisno qilinadi.
Shu bilan birga, Eduardo Kamavinga bilan xayrlashish ehtimoli borligi aytilmoqda. Uning Chempionlar ligasi doirasida «Bavariya»ga qarshi o‘yinda chetlatilishi «amalda mavsumga nuqta qo‘ygan edi». Yaqingacha u rahbariyatning eng sevimli futbolchilaridan biri edi, ammo hozir vaziyat o‘zgargan. «Real» boshqa profildagi markaziy yarim himoyachini sotib olmoqchi.
