Yarim himoyachi Orelyen Tchuameni Madridning «Real» klubida o‘ynashning o‘ziga xos xususiyatlari haqida gapirdi. Fransuz futbolchisi 2022 yilning yozida «Monako»dan 80 million yevro evaziga «qaymoqranglilar» safiga kelib qo‘shilgan edi.

«Bir-ikki yil oldin meni yomon o‘yinchi deb hisoblashardi, stadionda hushtaklar bilan kutib olishardi. Men qiyinchiliklarni boshdan kechirdim, lekin bu meni ruhiy jihatdan ancha kuchaytirgani aniq. Nima qilsam ham, baribir men haqimda gapirishlarini tushunib yetdim, shuning uchun bunga e’tibor bermaslikka harakat qilaman. «Real»da bosim darajasi juda yuqori. Sen yo bu bosim ostida sinasan, yoki hammasini o‘z nazoratingga olib, yaxshi o‘yin bilan javob qaytarasan», — deya Madrid Zone Tchuamenining so‘zlarini keltiradi.

26 yoshli xavbek yaqinda bo‘lib o‘tgan Chempionlar ligasi 1/4 finali doirasidagi «Bavariya»ga qarshi javob uchrashuvini diskvalifikasiya sababli o‘tkazib yuborgan edi.