«Milan» Rafael Leau bilan xayrlashishi haqidagi gap-so‘zlar tobora avj olmoqda. Portugaliyalik futbolchining keyingi manzili Ispaniya bo‘lishi mumkin — Kataloniyaning «Barselona» klubi avval ham unga qiziqish bildirgan edi va El Mundo Deportivo nashrining xabar berishicha, bu qiziqish yana qayta tiklangan.

Yaqinda Leau mashhur ijtimoiy tarmoqdagi «storiz»ida aynan «Barselona» libosidagi Ronaldinyo ishtirokidagi videoni joylashtirdi. Leau ushbu videoga «Eng yaxshisi» deb izoh qoldirgan. Bu holat mish-mishlar uchun qo‘shimcha turtki bo‘ldi, garchi «Barselona» avvaliga aynan Leauning pozisiyasida to‘p surayotgan Markus Reshford bilan bog‘liq masalani hal qilishi kerak bo‘lsa-da.