Hafta davomida «Liverpul» hujumchisi Ugo Ekitike jiddiy jarohat oldi va uzoq muddatga safdan chiqdi. Mersisaydliklar bosh murabbiyi Arne Slot fransuz futbolchisining holati haqida to‘xtalib o‘tdi.
«U hali jarrohlik amaliyotini o‘tagani yo‘q. Bu u uchun juda og‘ir damlar, chunki u yangi jamoaga kelgan edi va darhol o‘z ta’sirini o‘tkaza boshlagandi. Albatta, u qanchadan-qancha o‘zgacha lahzalarni o‘tkazib yuborishi haqida o‘ylab qolasan. Biroq u bunday holatni boshdan kechirayotgan birinchi yoki oxirgi futbolchi emas. Ko‘pchilik jarohatdan so‘ng yanada kuchliroq bo‘lib qaytgan. Ishonchim komilki, 10-15 yildan keyin Ekitike hatto ushbu jarohat unga yuqoriroq darajaga chiqishga yordam berganini aytishi ham mumkin», — dedi Slot jurnalistlarga.
