«Koventri Siti» bosh murabbiyi Frenk Lempard jamoasining APLga chiqqani ortidan intervyu berdi.
«Koventri» kelasi mavsumdan boshlab Angliyaning eng yuqori divizionida ishtirok etadi. Jamoa 2001 yildan beri ilk bor elitaga qaytmoqda.
— Klubda bunday natijaga erishish, yigitlarni ko‘rish — bu men uchun juda katta hissiyot. Ular bilan ishlash juda yoqimli. Ular bayramning har bir lahzasiga munosib.
Men faxrlanaman. O‘zim va murabbiylar shtabi bilan faxrlanaman. Biz noaniqliklar bilan boshlagan edik. Keyin esa o‘yinchilar va muxlislarni sevib qoldik, ularning munosabatini his qildik. Bu yutuq mening eng katta natijalarimdan biri — axir men «Chelsi» bilan UYEFA Chempionlar ligasini yutib chiqqanman, — dedi Lempard, deyarli ko‘z yoshlarini to‘xtatolmay.













