«Napoli» bosh murabbiyi Antonio Konte A Seriyadagi chempionlik poygasi haqida o‘z fikrini bildirdi.

"Napoli"ning maqsadi ikkinchi o‘rinni egallashmi? Ikkinchi o‘rin — bu mag‘lublar ichida birinchi bo‘lish degani. Ikkinchi, uchinchi yoki to‘rtinchi bo‘lish vaziyatni u qadar o‘zgartirmaydi. Faqatgina Chempionlar ligasiga yo‘llanma olish yoki ololmaslik vaziyatni o‘zgartirishi mumkin", — deya Kontening so‘zlarini keltiradi Nikolo Skira.

Ayni damda «Napoli» Italiya chempionati turnir jadvalida 32 turdan so‘ng 66 ochko jamg‘argan holda ikkinchi o‘rinni egallab turibdi. Neapol klubi peshqadam «Inter»dan sakkiz ochko ortda qolmoqda, biroq zaxirasida bitta o‘yini mavjud.