Dortmundning «Borussiya» klubi Germaniya chempionatida ketma-ket ikkinchi mag‘lubiyatini qabul qilib oldi. Shanba kuni «arilar» safarda «Xoffenxaym»ga 1:2 hisobida imkoniyatni boy berishdi.
Buning natijasida «Bavariya» chempionlik unvoniga maksimal darajada yaqinlashdi. Mavsum yakuniga to‘rt tur qolganda Germaniya chempioniga aylanish uchun «Bavariya»ga yakshanba kuni o‘z maydonida «Shtutgart»ga yutqazmaslik kifoya qiladi. Hatto durang qayd etilgan taqdirda ham, Vensan Kompani shogirdlari Bundesliga turnir jadvalida boshqa jamoalar uchun yetib bo‘lmas darajaga chiqib olishadi.
«Bavariya» — «Shtutgart» uchrashuvi 19 aprel kuni Toshkent vaqti bilan soat 20:30 da boshlanadi.
