«Liverpul» hujumchisi Aleksandr Isak jamoadoshi Ugo Ekitikening jarohati haqida gapirib o‘tdi. Fransuz hujumchisi yaqindagina Chempionlar ligasi doirasida «PSJ»ga qarshi kechgan bahsda jarohat olgan edi.
Taxminlarga ko‘ra, axill paylarining uzilishi sababli futbolchi yil yakuniga qadar safdan chiqqan.
«Ekitikening jarohati tufayli barchamiz tushkunlikka tushdik. Bu uning o‘zi va jamoamiz uchun juda ayanchli holat. Biz uni qo‘llab-quvvatlaymiz», — dedi Isak Premyer-liga doirasidagi «Everton»ga qarshi o‘yin oldidan.
Ugo Ekitike o‘tgan yozda Frankfurtning «Ayntraxt» klubidan «Liverpul»ga o‘tgan edi. 23 yoshli futbolchi Arne Slot jamoasi safida 45 ta uchrashuvda maydonga tushib, 17 ta gol urdi va oltita golli uzatmani amalga oshirdi.
