«Ливерпуль» ҳужумчиси Александр Исак жамоадоши Уго Экитикенинг жароҳати ҳақида гапириб ўтди. Француз ҳужумчиси яқиндагина Чемпионлар лигаси доирасида «ПСЖ»га қарши кечган баҳсда жароҳат олган эди.
Тахминларга кўра, ахилл пайларининг узилиши сабабли футболчи йил якунига қадар сафдан чиққан.
«Экитикенинг жароҳати туфайли барчамиз тушкунликка тушдик. Бу унинг ўзи ва жамоамиз учун жуда аянчли ҳолат. Биз уни қўллаб-қувватлаймиз», — деди Исак Премьер-лига доирасидаги «Эвертон»га қарши ўйин олдидан.
Уго Экитике ўтган ёзда Франкфуртнинг «Айнтрахт» клубидан «Ливерпуль»га ўтган эди. 23 ёшли футболчи Арне Слот жамоаси сафида 45 та учрашувда майдонга тушиб, 17 та гол урди ва олтита голли узатмани амалга оширди.
