«Real Sosyedad» hujumchisi Ander Barrenechea «Atletiko»ga qarshi kechgan Ispaniya Kubogi finalining (2:2, penaltilar bo‘yicha 4:3) 14-soniyasidayoq gol urishga muvaffaq bo‘ldi.
Opta nashrining xabar berishicha, 24 yoshli ispaniyalik futbolchi Ispaniya Kubogi finallari tarixidagi eng tezkor gol muallifiga aylandi. U «Valensiya» a’zosi Manuel Badenesning 1952 yilda o‘rnatgan rekordini (17-soniya) yangiladi.
2025/26 yilgi mavsumda Barrenechea jami 29 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
