«Реал Сосьедад» ҳужумчиси Андер Барренечеа «Атлетико»га қарши кечган Испания Кубоги финалининг (2:2, пенальтилар бўйича 4:3) 14-сониясидаёқ гол уришга муваффақ бўлди.
Opta нашрининг хабар беришича, 24 ёшли испаниялик футболчи Испания Кубоги финаллари тарихидаги энг тезкор гол муаллифига айланди. У «Валенсия» аъзоси Мануэль Баденеснинг 1952 йилда ўрнатган рекордини (17-сония) янгилади.
2025/26 йилги мавсумда Барренечеа жами 29 та ўйинда майдонга тушиб, 4 та гол урди ва 4 та голли узатмани амалга оширди.
