«Real Sosyedad» bosh murabbiyi Pellegrino Matarasso Ispaniya Kubogi finalida Madridning «Atletiko» klubi ustidan qozonilgan g‘alabadan so‘ng taktik tahlillar bilan shug‘ullanishni istamadi. Uchrashuvning asosiy vaqti 2:2 hisobida yakunlandi, penaltilar seriyasida esa «Sosyedad» futbolchilari aniqroq harakat qilishdi.
«Men taktika haqida gapirib o‘tirmayman. Biz uchun o‘yinni imkon qadar nazorat qilish muhim edi. Tavakkal qilmaslikka harakat qildik. Himoyada yaxshi ishladik. Ikkinchi bo‘limda ancha qiynalishimizga (azob chekishimizga) to‘g‘ri keldi, biroq jamoada xarakter bor», — deya mutaxassisning so‘zlarini Dario AS nashri keltirmoqda.
Matarassi alohida to‘xtalib, sovuqqonlik saqlagan holda penaltilar seriyasida ikkita zarbani qaytargan jamoa darvozaboni Unai Marreroni e’tirof etdi.
