«Реал Сосьедад» бош мураббийи Пеллегрино Матараццо Испания Кубоги финалида Мадриднинг «Атлетико» клуби устидан қозонилган ғалабадан сўнг тактик таҳлиллар билан шуғулланишни истамади. Учрашувнинг асосий вақти 2:2 ҳисобида якунланди, пенальтилар сериясида эса «Сосьедад» футболчилари аниқроқ ҳаракат қилишди.
«Мен тактика ҳақида гапириб ўтирмайман. Биз учун ўйинни имкон қадар назорат қилиш муҳим эди. Таваккал қилмасликка ҳаракат қилдик. Ҳимояда яхши ишладик. Иккинчи бўлимда анча қийналишимизга (азоб чекишимизга) тўғри келди, бироқ жамоада характер бор», — дея мутахассиснинг сўзларини Dario AS нашри келтирмоқда.
Матарацци алоҳида тўхталиб, совуққонлик сақлаган ҳолда пенальтилар сериясида иккита зарбани қайтарган жамоа дарвозабони Унаи Маррерони эътироф этди.
