«Manchester Yunayted» bosh murabbiyi Maykl Kerrik o‘z jamoasining «Chelsi» ustidan qozongan g‘alabasi (1:0) haqida fikr bildirdi. «Qizil iblislar» Londonda Mateus Kunyaning 43-daqiqada yo‘llagan aniq zarbasi evaziga uch ochkoni qo‘lga kiritishdi.
«Biz ushbu g‘alabani haqqoniy deb hisoblaymiz. So‘nggi vaqtlarda duch kelgan qiyinchiliklarimiz, xususan, markaziy himoyachilar bilan bog‘liq muammolarni hisobga olsak, bu juda murakkab bo‘ldi. Bunday og‘ir sharoitda himoyamiz a’lo darajada harakat qildi. Bu yerda g‘alaba qozonish uchun intizomli o‘yin ko‘rsatish shart va bugun men jamoada kerakli ruhiyatni ko‘rdim. Natijadan juda mamnunmiz», — dedi Karrik BBC Match of the Day nashriga bergan intervyusida.
«Manchester Yunayted» 33-turdan so‘ng Premyer-liga turnir jadvalida uchinchi pog‘onani egallab turibdi.
