«Arsenal»ning chempionlik imkoniyatlari pasaydi.
Yakshanba kuni Mikel Arteta shogirdlari APLning 33-turi doirasida safarda «Manchester Siti»ga imkoniyatni boy berdi (1:2). «Kanonirlar» 70 ochko bilan hamon turnir jadvalida peshqadamlik qilmoqda. Ikkinchi o‘rinda borayotgan «Manchester Siti» hisobida 67 ochko bor va ularda bitta zaxira o‘yini mavjud.
Opta superkompyuteri «Arsenal»ning APLda g‘olib chiqish imkoniyatini 72,97 foizga baholamoqda. Taqqoslash uchun, 31-turdan keyin «kanonirlar»ning chempionlik ehtimoli 97,7 foizni, 32-turdan so‘ng esa 87,26 foizni tashkil etayotgan edi. «Manchester Siti»ning titulni qo‘lga kiritish imkoniyati esa 27,03 foizga teng.
Opta hisob-kitoblariga ko‘ra, APLning boshqa jamoalarida birinchi o‘rinni egallash uchun hech qanday imkoniyat qolmagan.
