Matbuotda chap qanot himoyachisi Alexandro Baldening «Barselona»dan ehtimoliy ketishi muhokama qilinishda davom etmoqda. Yaqin vaqtgacha Kataloniya klubi 22 yoshli futbolchiga uzoq muddatli istiqbolda ishonch bildirayotgan edi, biroq o‘yindagi pasayish va tez-tez takrorlanayotgan jarohatlar «ko‘k-anorranglilar»ning lateral borasidagi pozisiyasini o‘zgartirdi — endi uning sotilishi istisno etilmayapti, deb xabar bermoqda Sport.
Yosh ispaniyalik futbolchi, agar manfaatli taklif tushsa, yaqinlashib kelayotgan yozgi transfer oynasidayoq jamoani tark etishi mumkin. Baldening o‘zi esa ancha yaxshi o‘yin ko‘rsatishga qodirligini biladi va bosh murabbiy Xans-Diter Flikka asosiy tarkibda o‘ynashga loyiq ekanligini isbotlamoqchi. Transfermarkt ekspertlari Alexandroning bozor qiymatini 55 million yevroga baholamoqda, uning «Barselona» bilan shartnomasi 2028 yilgacha amal qiladi.
