Milanning «Inter» klubi markaziy himoyachisi Alessandro Bastoni, ehtimol, xorij chempionatiga yo‘l olishdan oldingi so‘nggi mavsumini o‘tkazmoqda. Italiyalik futbolchiga «Liverpul» va «Barselona» da’vogarlik qilmoqda va ma’lum bo‘lishicha, o‘yinchining o‘zi Kataloniya klubi variantini ma’qul ko‘rmoqda.

Jurnalist Fernando Poloning ma’lumotiga ko‘ra, 26 yoshli futbolchi «Inter»ni faqat «Barsa» uchun tark etishga tayyor. Markaziy himoyachi Xans-Diter Flik jamoasining ashaddiy ishqibozi hisoblanadi va uning birorta o‘yinini o‘tkazib yubormaydi. Mavjud ma’lumotlarga qaraganda, «ko‘k-anorranglilar» Bastoni bilan allaqachon dastlabki kelishuvga erishishgan. Klublar o‘rtasidagi muzokaralar Flik rozilik berishi bilan boshlanishi kutilmoqda.