Миланнинг «Интер» клуби марказий ҳимоячиси Алессандро Бастони, эҳтимол, хориж чемпионатига йўл олишдан олдинги сўнгги мавсумини ўтказмоқда. Италиялик футболчига «Ливерпуль» ва «Барселона» даъвогарлик қилмоқда ва маълум бўлишича, ўйинчининг ўзи Каталония клуби вариантини маъқул кўрмоқда.
Журналист Фернандо Полонинг маълумотига кўра, 26 ёшли футболчи «Интер»ни фақат «Барса» учун тарк этишга тайёр. Марказий ҳимоячи Ханс-Дитер Флик жамоасининг ашаддий ишқибози ҳисобланади ва унинг бирорта ўйинини ўтказиб юбормайди. Мавжуд маълумотларга қараганда, «кўк-анорранглилар» Бастони билан аллақачон дастлабки келишувга эришишган. Клублар ўртасидаги музокаралар Флик розилик бериши билан бошланиши кутилмоқда.
