«Inter» vise-prezidenti Xavyer Dzanetti Kataloniyaning «Barselona» klubi qiziqish bildirayotgan Alessandro Bastonining sotilishi borasidagi savolga aniq javob berishdan qochdi.
«U — ajoyib yigit, ko‘ngli toza inson. Biz uni yaxshi bilamiz, uning fazilatlarini qadrlaymiz va bu biz uchun eng muhimi», — deya Dzanettining so‘zlarini keltirmoqda derby.it.
Eslatib o‘tamiz, hozirda Milanning «Inter» klubi Italiya chempionatidagi g‘alaba sari ishonch bilan ilgarilamoqda — jamoa A Seriyaning navbatdagi turidayoq chempionlikni rasmiylashtirishi mumkin.
