«Manchester Siti» himoyachisi Niko O’Rayli jamoadoshi Rayan Sherkining o‘yiniga baho berdi. Sherki gol urib, «shaharliklar»ga Londonning «Arsenal» klubini 2:1 hisobida mag‘lub etishga yordam bergan edi.
«U maydonga tushib, mana shunday sehr ko‘rsatganda, bu hammamizning ishimizni yengillashtiradi. Biz uning qanday yuqori darajadagi futbolchi ekanini bilamiz. U mana shunday muhim o‘yinlarda o‘z mahoratini namoyish eta olishi barchamiz uchun katta plyusdir», — deya O’Raylining so‘zlarini keltirmoqda City Report.
Ushbu mavsumda 22 yoshli Sherki barcha musobaqalarni hisobga olganda 44 ta o‘yinda ishtirok etdi, 10 ta gol urdi va 13 ta golli uzatma muallifiga aylandi.
