«Манчестер Сити» ҳимоячиси Нико О’Райли жамоадоши Райан Шеркининг ўйинига баҳо берди. Шерки гол уриб, «шаҳарликлар»га Лондоннинг «Арсенал» клубини 2:1 ҳисобида мағлуб этишга ёрдам берган эди.

«У майдонга тушиб, мана шундай сеҳр кўрсатганда, бу ҳаммамизнинг ишимизни енгиллаштиради. Биз унинг қандай юқори даражадаги футболчи эканини биламиз. У мана шундай муҳим ўйинларда ўз маҳоратини намойиш эта олиши барчамиз учун катта плюсдир», — дея О’Райлининг сўзларини келтирмоқда City Report.

Ушбу мавсумда 22 ёшли Шерки барча мусобақаларни ҳисобга олганда 44 та ўйинда иштирок этди, 10 та гол урди ва 13 та голли узатма муаллифига айланди.