«Bavariya» yarim himoyachisi Joshua Kimmix hujumchi Serj Gnabrining safdan chiqqani haqida o‘z fikrlari bilan o‘rtoqlashdi. Avvalroq 30 yoshli futbolchi son mushaklarini yirtib olgani haqida xabar berilgan edi. Katta ehtimol bilan, futbolchi Jahon chempionati – 2026 musobaqasini o‘tkazib yuboradi.
«Biz Serjni juda sog‘inyapmiz. Ham kiyinish xonasida, ham maydonda. Bu ham futbolchi, ham inson sifatida haqiqatan ham juda katta yo‘qotish. Bu voqea bizga qattiq zarba bo‘ldi, lekin umid qilamanki, biz bu yo‘qotishning o‘rnini qandaydir tarzda to‘ldira olamiz», — deya Kimmixning so‘zlarini keltirmoqda Bayern & Germany.
Joriy mavsumda Gnabri barcha musobaqalarni hisobga olgan holda 37 ta o‘yinda maydonga tushdi, 10 ta gol urdi va 11 marta jamoadoshlariga golli uzatma yetkazib berdi.
