«Бавария» ярим ҳимоячиси Жошуа Киммих ҳужумчи Серж Гнабрининг сафдан чиққани ҳақида ўз фикрлари билан ўртоқлашди. Аввалроқ 30 ёшли футболчи сон мушакларини йиртиб олгани ҳақида хабар берилган эди. Катта эҳтимол билан, футболчи Жаҳон чемпионати – 2026 мусобақасини ўтказиб юборади.
«Биз Сержни жуда соғиняпмиз. Ҳам кийиниш хонасида, ҳам майдонда. Бу ҳам футболчи, ҳам инсон сифатида ҳақиқатан ҳам жуда катта йўқотиш. Бу воқеа бизга қаттиқ зарба бўлди, лекин умид қиламанки, биз бу йўқотишнинг ўрнини қандайдир тарзда тўлдира оламиз», — дея Киммихнинг сўзларини келтирмоқда Bayern & Germany.
Жорий мавсумда Гнабри барча мусобақаларни ҳисобга олган ҳолда 37 та ўйинда майдонга тушди, 10 та гол урди ва 11 марта жамоадошларига голли узатма етказиб берди.
