Germaniya chempionatida navbatdagi, o‘ttizinchi tur o‘yinlari bo‘lib o‘tdi. Myunxenning «Bavariya» klubi o‘z kuchini yana bir bor isbotlab, muddatidan oldin Germaniya chempioniga aylandi. Bu «Shtutgart» ustidan qozonilgan 4:2 hisobidagi g‘alabadan so‘ng amalga oshdi.

Shuningdek, Bundesliga grandi yarim himoyachi Jamal Musialaning yubileyini — turnirdagi 150-o‘yinini munosib tarzda nishonladi.

Uning o‘zi uchun o‘yin u qadar muvaffaqiyatli kechmadi: Musiala gol ura olmadi va tanaffusdayoq zaxiraga olindi.

Eslatib o‘tamiz, Jamal «Bavariya» safida 2020 yilda debyut qilgan va tez orada asosiy tarkib futbolchisiga aylanib, Germaniya terma jamoasiga ham jalb etila boshlangan edi.