Германия чемпионатида навбатдаги, ўттизинчи тур ўйинлари бўлиб ўтди. Мюнхеннинг «Бавария» клуби ўз кучини яна бир бор исботлаб, муддатидан олдин Германия чемпионига айланди. Бу «Штутгарт» устидан қозонилган 4:2 ҳисобидаги ғалабадан сўнг амалга ошди.
Шунингдек, Бундеслига гранди ярим ҳимоячи Жамал Мусиаланинг юбилейини — турнирдаги 150-ўйинини муносиб тарзда нишонлади.
Унинг ўзи учун ўйин у қадар муваффақиятли кечмади: Мусиала гол ура олмади ва танаффусдаёқ захирага олинди.
Эслатиб ўтамиз, Жамал «Бавария» сафида 2020 йилда дебют қилган ва тез орада асосий таркиб футболчисига айланиб, Германия терма жамоасига ҳам жалб этила бошланган эди.
