Italiyalik jurnalist Fabrisio Romano Luka Modrichning yana bir mavsumga qolishiga ishonch bildirmoqda.
Uning so‘zlariga ko‘ra, bu borada muzokaralar o‘tkazilmayotgani tomonlarda bunday istak yo‘qligini anglatmaydi.
«Tomonlar muzokaraga ehtiyoj sezmayaptilar, chunki Lukaning shartnomasida yana bir yilga uzaytirish imkoniyati avvaldan ko‘zda tutilgan. Shuni aytishim mumkinki, «Milan» o‘z qadamlarini tashladi — futbolchiga uni jamoada ko‘rishni istashayotganini aniq tushuntirishdi. Modrichning o‘zi ham, so‘nggi muvaffaqiyatsizliklarga qaramay, qolishga qaror qilgan», — deya Romanoning so‘zlarini keltiradi pianetamilan.it nashri.
Eslatib o‘tamiz, xorvatiyalik futbolchi ilgari Madridning «Real» klubi tarkibida to‘p surgan.
