Италиялик журналист Фабрицио Романо Лука Модричнинг яна бир мавсумга қолишига ишонч билдирмоқда.
Унинг сўзларига кўра, бу борада музокаралар ўтказилмаётгани томонларда бундай истак йўқлигини англатмайди.
«Томонлар музокарага эҳтиёж сезмаяптилар, чунки Луканинг шартномасида яна бир йилга узайтириш имконияти аввалдан кўзда тутилган. Шуни айтишим мумкинки, «Милан» ўз қадамларини ташлади — футболчига уни жамоада кўришни исташаётганини аниқ тушунтиришди. Модричнинг ўзи ҳам, сўнгги муваффақиятсизликларга қарамай, қолишга қарор қилган», — дея Романонинг сўзларини келтиради pianetamilan.it нашри.
Эслатиб ўтамиз, хорватиялик футболчи илгари Мадриднинг «Реал» клуби таркибида тўп сурган.
