Jahon boksi afsonasi, filippinlik Menni Pakyao tarixdagi eng kuchli uch nafar bokschi kim ekanligini ma’lum qildi. Uning so‘zlaridan Boxing News Online iqtibos keltirmoqda.
«O‘zimni hisobga olmaganda — Muhammad Ali, Shugar Rey Leonard va Xulio Sezar Chaves», — dedi Pakyao.
Eslatib o‘tamiz, Pakyao tarixda sakkizta vazn toifasida jahon chempioni bo‘lgan yagona bokschi hisoblanadi. To‘rt yillik tanaffusdan so‘ng, 46 yoshli Menni WBC yo‘nalishi bo‘yicha yarim o‘rta vazn toifasi chempioni Mario Barriosga qarshi professional jang o‘tkazdi. Ushbu to‘qnashuv hakamlarning ko‘pchilik ovozi bilan durang natija bilan yakunlandi.













