Braziliya prezidenti Luis Inasiu Lula da Silva 2026 yilgi jahon chempionati finalida qaysi jamoalarni ko‘rishni xohlashini ma’lum qildi.
«Men Braziliya va Germaniya finalda to‘qnash kelishini istayman. Biz o‘yinni stadiondan kuzatgan bo‘lardik va Trampni ham bahsni birga tomosha qilish uchun taklif qilgan bo‘lardik. Bu safar Braziliya albatta g‘alaba qozonishi kerak», — dedi davlat rahbari.
Eslatib o‘tamiz, Germaniya va Braziliya terma jamoalari oxirgi marta 2014 yilgi jahon chempionati yarim finalida to‘qnash kelishgan va o‘shanda braziliyaliklar o‘z uylaridagi turnirda 1:7 hisobida mag‘lub bo‘lishgan edi.
JCH-2026 turniri 11 iyundan 19 iyulga qadar AQSH, Meksika va Kanada maydonlarida bo‘lib o‘tadi.













