Бразилия президенти Луис Инасиу Лула да Силва 2026 йилги жаҳон чемпионати финалида қайси жамоаларни кўришни хоҳлашини маълум қилди.
«Мен Бразилия ва Германия финалда тўқнаш келишини истайман. Биз ўйинни стадиондан кузатган бўлардик ва Трампни ҳам баҳсни бирга томоша қилиш учун таклиф қилган бўлардик. Бу сафар Бразилия албатта ғалаба қозониши керак», — деди давлат раҳбари.
Эслатиб ўтамиз, Германия ва Бразилия терма жамоалари охирги марта 2014 йилги жаҳон чемпионати ярим финалида тўқнаш келишган ва ўшанда бразилияликлар ўз уйларидаги турнирда 1:7 ҳисобида мағлуб бўлишган эди.
ЖЧ-2026 турнири 11 июндан 19 июлга қадар АҚШ, Мексика ва Канада майдонларида бўлиб ўтади.













