Londonning «Chelsi» klubi bosh murabbiyi Liam Rosenyor jamoaning so‘nggi natijalari haqida gapirdi. «Ko‘klar» barcha turnirlardagi oxirgi yetti uchrashuvning oltitasida mag‘lubiyatga uchradi.
«Mening ishim — mas’uliyatni o‘z zimmamga olish. Men butun aybni o‘z bo‘ynimga olaman. Men futbolchilarni tashqi tanqidlardan himoya qilishni istayman. Ishonamanki, biz bu davrdan ancha kuchli bo‘lib chiqamiz, lekin hozir biz hamma narsani to‘g‘ri qilishimiz kerak», — deya Rosenyorning so‘zlarini keltiradi jurnalist Fabrisio Romano.
33 turdan so‘ng «Chelsi» Premyer-liga turnir jadvalida 48 ochko bilan oltinchi o‘rinni egallab turibdi. Rosenyor jamoasi chempionatda to‘rtta o‘yindan beri gol ura olmayapti.
