Kobbi Maynu «Manchester Yunayted» bilan 2031 yilgacha mo‘ljallangan yangi shartnoma bo‘yicha og‘zaki kelishuvga erishdi.
Maynuning vakillari o‘tgan haftada bo‘lib o‘tgan muzokaralarning so‘nggi bosqichida ancha oldinga siljishdi va hozirda barcha tomonlar rasmiy e’lon berilishini shunchaki vaqt masalasi deb hisoblashmoqda.
Katta ehtimol bilan, yangi kelishuv mavsum yakuniga qadar e’lon qilinadi.
Yangi shartnomaga ko‘ra, futbolchining maoshi haftasiga taxminan 150 ming funt atrofida bo‘lishi kutilmoqda — bu uning jamoadagi asosiy tarkib o‘yinchisi maqomini aks ettiradi.
