«Milan» va «Sampdoriya» klublarining sobiq afsonasi Ruud Gullit Italiya terma jamoasining Jahon chempionatiga chiqish yo‘lidagi muvaffaqiyatsiz urinishlarini afsus bilan kuzatmoqda. Uning fikricha, Italiya futboli o‘ziga xos «DNK»sini yo‘qotib qo‘ygan.
«Italiya futboli o‘z DNKsidan ayrildi. Ular ilgari doim ishonchlilik, ya’ni himoya va darvozabon hisobiga g‘alaba qozonishardi. Italyanlar raqiblariga imkon qoldirishmasdi. Agar sen kamida bir ochkoni kafolatlay olsang, bu ko‘prog‘iga umid qilib hujumga o‘tish imkonini beradi. Ammo hozir Italiyada mustahkam himoya chizig‘i mavjud emas», — deya Gullitning so‘zlarini keltiradi pianetamilan.it nashri.
Ma’lumot uchun, Italiya terma jamoasi oxirgi marta 2014 yilgi Mundialda ishtirok etgan.
