«Manchester Siti» yaqin orada Jon Stounzning jamoadan ketishini e’lon qiladi.

Avvalroq 31 yoshli himoyachi joriy mavsum yakunida klubni tark etishi ma’lum bo‘lgan edi. The Athletic nashrining yozishicha, bu haqda keyingi haftada rasman e’lon qilinadi.

Ta’kidlanishicha, ingliz futbolchisini erkin agent sifatida o‘z safiga qo‘shib olishga Yevropaning bir nechta top-klublari qiziqish bildirmoqda.

Stounz 2016 yildan beri «Siti» sharafini himoya qilib kelayotgan edi va «shaharliklar» bilan birga jami 18 ta sovrinni qo‘lga kiritdi. APLning joriy mavsumida u 7 ta o‘yinda maydonga tushdi va samarali harakatlari bilan ajralib turmadi.