«Manchester Siti» yarim himoyachisi Bernardu Silva Premyer-ligada g‘alaba qozonilgan o‘yinlar soni bo‘yicha klubning mutlaq rekordchisiga aylandi. Chorshanba kuni portugaliyalik futbolchi «shaharliklar»ning «Byornli» ustidan qozonilgan safardagi g‘alabasida (1:0) to‘liq 90 daqiqa harakat qilib, jamoasiga yordam berdi.
City Xtra xabariga ko‘ra, bu yarim himoyachi uchun «Manchester Siti» tarkibida APL doirasidagi 215-g‘alaba bo‘ldi va bu yangi klub rekordi sifatida qayd etildi. Jamoaning amaldagi sardori bu ko‘rsatkich bo‘yicha ispaniyalik sobiq yulduz David Silvani (214) ortda qoldirdi. Shuningdek, kuchli beshlikdan Ederson (205), Kevin de Bryoyne (197) va Fernandinyo (187) o‘rin olgan.
Bernardu Silva 2017 yildan buyon Manchester klubi sharafini himoya qilib kelmoqda, biroq joriy mavsum yakunida erkin agent sifatida jamoani tark etishi kutilmoqda.













